तमावयोः प्रियसख्याः प्रभवमवगच्छ ।उज्झितायाः शरीरसंवर्धनादिभिस्तातकाश्यपोऽस्याः पिता ।
उज्झितशब्देन जनितं मे कौतूहलम् ।आमूलात्श्रोतुमिच्छामि ।
शृणोत्वार्यः । गौतमीतीरे पुरा किल तस्य राजर्षेरुग्रे तपसि वर्तमानस्य किमपि जातशङ्कैर्देवैर्मेनका नामाप्सराः प्रेषिता नियमविघ्नकारिणी ।
अस्त्येतदन्यसमाधिभीरुत्वं देवानाम् ।
अनसूया ततो वसन्तोदारसमये तस्या उन्मादयितृ रूपं प्रेक्ष्य (इत्यर्धोक्ते लज्जया विरमति)
परस्ताज्ज्ञायत एव । सर्वथाप्सरःसंभवैषा ।
मानुषीषु कथं वा स्यादस्य रूपस्य संभवः । न प्रभातरलं ज्योतिरुदेति वसुधातलात् ॥
Metre: अनुष्टुप्