समासेन। किं च भोः सुजर्थे समास उच्यते ?
नैवम्, सामर्थ्यादिह सुजर्थो गम्यते।
यावता संख्या संख्यया संख्यायते, स च क्रियाभ्यावृत्त्यर्थ उक्तः समासेनेति कृत्वा सुज् न भविष्यति।
प्रकृतिः प्रातिपदिकरूपाऽप्येषोपदर्शिता।
स्वरूपं प्रत्ययादीनां पृथक् पृथगथोच्यते ॥ ४९ ॥
तत्र प्रतीयतेऽनेनार्थ इति प्रत्ययः।
स त्रिधा १. धातुप्रत्ययः २. प्रत्ययप्रत्ययः ३. प्रातिपदिकप्रत्यय इति। तेषु— (१. धातुप्रत्ययाः—)
सनादयः, तिबादयः, तुमुनादयः, तव्यादयः, ण्वुलादयः, उणादयश्चेति धातुप्रत्ययभेदाः। तत्र—