आनन्दितारस्त्वां दृष्ट्वा प्रष्टारश्चावयोः शिवम् । मातरः सह मैथिल्या तोष्टा च भरतः परम् ॥
Metre: अनुष्टुप्
आख्यातासि हतं शत्रुमभिषिक्तं विभीषणम् । सुग्रीवं चाऽर्जितं मित्रं सर्वांश्चाऽऽगामुकान्द्रुतम् ॥
Metre: अनुष्टुप्
गन्तारः परमां प्रीतिं पौराः ष्रुत्वा वचस्तव । ज्ञात्वैतत्सम्मुखीनश्च समेता भरतो ध्रुवम् ॥
Metre: अनुष्टुप्
गते त्वयि पथाऽनेन वयमप्यंहितास्महे । लब्धाहेऽहं धृतिं प्राप्ते भूयो भवति सम्मुखे ॥
Metre: अनुष्टुप्
गते तस्मिन्गृहीताऽर्थे रामः सुग्रीव-राक्षसौ ।उक्तवान्श्वोऽभिगन्तास्थो युवां सह मया पुरम् ॥
Metre: अनुष्टुप्
द्रष्टास्थस्तत्र तिस्रो मे मात्स्तुष्टऽन्तराऽऽत्मनः ।आन्त्यन्तीनं सखि-त्वं च प्राप्तास्थो भरताऽऽश्रयम् ॥
Metre: अनुष्टुप्
नैवं विरह-दुःखेन वयं व्याघानितास्महे । श्रमो नुभविता नैवं भवद्भ्यां च वियोग-जः ॥
Metre: अनुष्टुप्
एवं युवां मम प्रीत्यै कल्प्तास्थः कपि-राक्षसौ ! । गन्तुं प्रयतितासाथे प्रातः सह मया यदि ॥
Metre: अनुष्टुप्
उत्कवन्तौ ततो रामं वचः पौलस्त्य-वानरौ ।अनुग्रहोऽयं काकुत्स्थ ! गन्तास्वो यत्त्वया सह ॥
Metre: अनुष्टुप्
अनुमन्तास्वहे नाऽऽवां भवन्तं विरहं त्वया ।अपि प्राप्य सुरेन्द्र-त्वं किं नु प्रत्तं त्वयाऽऽस्पदम् ॥
Metre: अनुष्टुप्