एतावानेव शतक्रतोरायुष्मतश्च विशेषः ।
मातले कतमस्मिन्प्रदेशे मारीचाश्रमः ।
वल्मीकार्धनिमग्नमूर्तिरुरसा संदष्टसर्पत्वचा कण्ठे जीर्णलताप्रतानवलयेनात्यर्थसंपीडितः ।अंसव्यापि शकुन्तनीडनिचितं बिभ्रज्जटामण्डलम् यत्र स्थाणुरिवाचलो मुनिरसावभ्यर्कबिम्बं स्थितः ॥
Metre: शार्दूलविक्रीडितम्
(संयतप्रग्रहं रथं कृत्वा)एतावदितिपरिवर्धितमन्दारवृक्षं प्रजापतेराश्रमं प्रविष्टौ स्वः ।
स्वर्गादधिकतरं निर्वृतिस्थानममृतह्रदमिवावगाढोऽस्मि ।
(रथं स्थापयित्वा)अवतरत्वायुष्मान् ।
(अवतीर्य) मातले भवान्कथमिदानीम् ।
संयन्त्रितो मया रथः । वयमप्यवतरामः ।