तव भवतु विडौजाः प्राज्यवृष्टिः प्रजासु त्वमपि विततयज्ञो वज्रिणं प्रीणयस्व । युगशतपरिवर्तानेवमन्योन्यकृत्यैर् नयतमुभयलोकानुग्रहश्लाघनीयैः ॥
Metre: मालिनी
भगवन्यथाशक्ति श्रेयसे यतिष्ये ।
वत्स किं ते भूयः प्रियमुपकरोमि ।
राज अतः परमपि प्रियमस्ति । यदीह भगवान्प्रियं कर्तुमिच्छति तर्हि इदमस्तु । (भरतवाक्यम्)
प्रवर्ततां प्रकृतिहिताय पार्थिवः सरस्वती श्रुतमहतां महीयताम् । मम अपि च क्षपयतु नीललोहितः पुनर्भवं परिगतशक्तिरात्मभूः ॥
Metre: रुचिरा