शकुन्तले अवलम्ब्यतां पुत्रः । त्वां पुरस्कृत्य भगवन्तं द्रष्टुमिच्छामि ।
जिह्रेम्यार्यपुत्रेण सह गुरुसमीपं गन्तुम् ।
अप्याचरितव्यमभ्युदयकालेषु ।एह्येहि ।
(सर्वे परिक्रामन्ति) (ततः प्रविशत्यदित्या सार्धमासनस्थो मारीचः) (आनसस्थो)
(राजानमवलोक्य) दाक्षायणि ।
पुत्रस्य ते रणशिरस्ययमग्रयायी दुष्यन्त इत्यभिहितो भुवनस्य भर्ता । चापेन यस्य विनिवर्तितकर्मजातम् तत्कोटिमत्कुलिशमाभरणं मघोनः ॥
Metre: वसन्ततिलका
संभावनीयानुभावास्य आकृतिः ।
आयुष्मन्नेतौ पुत्रप्रीतिपिशुनेन चक्षुषा दिवैकसां पितरावायुष्मन्तमवलोकयतः । तावुपसर्प ।
प्राहुर्द्वादशधा स्थितस्य मुनयो यत्तेजसः कारणम् भर्तारं भुवनत्रयस्य सुषुवे यद्यज्ञभागेश्वरम् । यस्मिन्नात्मभवः परोऽपि पुरुषश्चक्रे भवायास्पदम् द्वन्द्वं दक्षमरीचिसंभवमिदं तत्स्रष्टुरेकान्तरम् ॥
Metre: शार्दूलविक्रीडितम्