शृणोतु महाराजः ।एषापराजिता नामौषधिरस्य जातकर्मसमये भगवता मारीचेन दत्ता ।
एतां किल मातापितरावात्मानं च वर्जयित्वापरो भूमिपतितां न गृह्णाति ।
ततस्तं सर्पो भूत्वा दशति ।
भवतीभ्यां कदाचिदस्याः प्रत्यक्षीकृता विक्रिया ।
(सहर्षम् ।आत्मगतम्) कथमिव संपूर्णमपि मे मनोरथं नाभिनन्दामि ।
सुव्रते एहि ।इमं वृत्तान्तं नियमव्यापृतायै शकुन्तलायै निवेदयावः । (इति निष्क्रान्ते)
मुञ्च माम् । यावन्मातुः सकाशं गमिष्यामि ।
पुत्रक मया सह एव मातरमभिनन्दिष्यसि ।