हा धिग्घा धिक् । सति खलु दीपे व्यवधानदोषेणैषोऽन्धकारदोषमनुभवति ।
अहमिदानीमेव निर्वृतं करोमि ।
अथवा श्रुतं मया शकुन्तलां समाश्वासयन्त्या महाइन्द्रजनन्या मुखाद्यज्ञभागोत्सुका देवा एव तथानुष्ठास्यन्ति यथाचिरेण धर्मपत्नीं भर्ताभिनन्दिष्यतीति ।
तद्युक्तमेतं कालं प्रतिपालयितुम् । यावदनेन वृत्तान्तेन प्रियसखीं समाश्वासयामि ।
(प्रत्यागतः । कर्णं दत्त्वा)अये माधव्यस्य इवार्तस्वरः । कः को त्र भोः । (प्रविश्य)
(ससंभ्रमम्) परित्रायतां देवः संशयगतं वयस्यम् ।
अदृष्टरूपेण केनापि सत्त्वेनातिक्रम्य मेघप्रतिच्छन्दस्य प्रासादस्याग्रभूमिमारोफितः ।
(उत्थाय) मा तावत् । मम अपि सत्त्वैरभिभूयन्ते गृहाः ।अथ वा ।
अहन्यहन्यात्मन एव तावज्ज्ञातुं प्रमादस्खलितं न शक्यम् । प्रजासु कः के पथा प्रयाति इत्यशेषतो वेदितुमस्ति शक्तिः ॥
Metre: उपजातिः
(नेपथ्ये) भो वयस्य अविहा अविहा ।