देव प्रसन्नमुखवर्णा दृश्यन्ते । जानामि विश्रब्धकार्या ऋषयः ।
(शकुन्तलां दृष्ट्वा)अथात्र भवती
का स्विदवगुण्ठनवती नातिपरिस्फुटशरीरलावण्या । मध्ये तपोधनानां किसलयमिव पाण्डुपत्राणाम् ॥
Metre: आर्या
देव कुतूहलगर्भः प्रहितो न मे तर्कः प्रसरति । ननु दर्शनीया पुनरस्या आकृतिर्लक्ष्यते ।
भवतु ।अनिर्वर्णनीयं परकलत्रम् ।
(हस्तमुरसि कृत्वा ।आत्मगतम्) हृदय किमेवं वेपसे ।आर्यपुत्रस्य भावमवधार्य धीरं तावद्भव ।
(पुरो गत्वा)एते विधिवदर्चितास्तपस्विनः । कश्चिदेषामुपाध्यायसंदेशः । तं देवः श्रोतुमर्हति ।
(हस्तानुद्यम्य) विजयस्व राजन् ।