महाभागः कामं नरपतिरभिन्नस्थितिरसौ न कश्चिद्वर्णानामपथमपकृष्टोऽपि भजते । तथापीदं शश्वत्परिचितविविक्तेन मनसा जनाकीर्णं मन्ये हुतवहपरीतं गृहमिव ॥
Metre: शिखरिणी
स्थाने भवान्पुरप्रवेशादित्थं भूतः संवृत्तः ।अहमपि
अभ्यक्तमपि स्नातः शुचिरशुचिमिव प्रबुद्ध इव सुप्तम् । बद्धमिव स्वैरगतिर्जनमिह सुखसङ्गिनमवैमि ॥
Metre: आर्या
(निमित्तं सूचयित्वा)अहो किं मे वामेतरन्नयनं विस्फुरति ।
जाते प्रतिहतममङ्गलम् ।सुखानि ते भर्तृकुलदेवता वितरन्तु (इति परिक्रामति)
(राजानं निर्दिश्य भो भोस्तपस्विनः असावत्रभवान्वर्णाश्रमाणां रक्षिता प्रागेव मुक्तासनो वः प्रतिपालयति । पश्यत एनम् ।
भो महाब्राह्मण काममेतदभिनन्दनीयं तथापि वयमत्र मध्यस्थाः । कुतः
भवन्ति नंरास्तरवः फलागमैर्नवाम्बुभिर्दूरविलम्बिनो घनाः ।अनुद्धताः सत्पुरुषाः समृद्धिभिः स्वभाव एवैष परोपकारिणाम् ॥
Metre: वंशस्थम्