आभरणस्याभरणं प्रसाधनविधेः प्रसाधनविशेषः।
उपमानस्यापि सखे ! प्रत्युपमानं वपुस्तस्याः॥ ७०॥
विशेषभणितिर्यथा—(माघ. २.१६)
रेवतीवदनोच्छिष्टपरिपूतपुटे दृशौ।
वहन् हली मदक्षीबः पानगोष्ठ्यां पुनातु वः॥ ७१॥
काक्वादिना वाक्योच्चारणं पठितिः। सा षोढा—
काकुः, स्वरः, विच्छेद, कान्तिः, अभिनयः, अपदेश इति। तासु— काकुर्यथा—(वेसं. २.२०)
म्यस्ता न भ्रुकुटिर्न बाष्पसलिलेनाच्छादिते लोचने नीतं नाननमन्यतः सशपथं नाहं स्पृशन् वारितः।
तन्व्या मग्नपयोधरं भयवशादाविद्धमालिङ्गितं भङ्क्तास्या नियमस्य भीषणमरुन्नायं वयस्यो मम॥ ७२॥