यो न वेत्ति गुणान्यस्य न तं सेवेत पण्डितः । न हि तस्मात्फलं किञ्चित्सुकृष्टादूषरादिव ॥
Metre: अनुष्टुप्
द्रव्य-कृति-हीनोऽपि सेव्यः सेव्य-गुणान्वितः । भवत्याजीवनं तस्मात्फलं कालान्तरादपि ॥
Metre: अनुष्टुप्
अपि स्थाणुवदासीनः शुष्यन्परिगतः क्षुधा । न त्वज्ञानात्म-सम्पन्नाद्वृत्तिमीहते पण्डितः ॥
Metre: अनुष्टुप्
सेवकः स्वामिनं द्वेष्टि कृपणं परुषाक्षरम् । आत्मानं किं स न द्वेष्टि सेव्यासेव्यं न वेत्ति यः ॥
Metre: अनुष्टुप्
यस्याश्रित्य विश्रामं क्षुधार्ता यान्ति सेवकाः । सोऽर्कवन्नृपतिस्त्याज्यः सदा पुष्प-फलोऽपि सन् ॥
Metre: अनुष्टुप्
राज-मातरि देव्यां च कुमारे मुख्य-मन्त्रिणि । पुरोहिते प्रतीहारे सदा वर्तेत राजवत् ॥
Metre: अनुष्टुप्
जीवेति प्रब्रुवन्प्रोक्तः कृत्याकृत्य-विचक्षणः । करोति निर्विकल्पं यः स भवेद्राज-वल्लभः ॥
Metre: अनुष्टुप्
प्रभु-प्रसादजं वित्तं सुप्राप्तं यो निवेदयेत् । वस्त्राद्यं च दधात्यङ्गे स भवेद्राज-वल्लभः ॥
Metre: अनुष्टुप्
अन्तः-पुर-चरैः सार्धं यो न मन्त्रं समाचरेत् । न कलत्रैर्नरेन्द्रस्य स भवेद्राज-वल्लभः ॥
Metre: अनुष्टुप्
द्यूतं यो यम-दूताभं हालां हालाहलोपमम् । पश्येद्दारान्वृथाकारान्स भवेद्राज-वल्लभः ॥
Metre: अनुष्टुप्