कृष्णसारे ददच्चक्षुस्त्वयि चाधिज्यकार्मुके । मृगानुसारिणं साक्षात्पश्यामीव पिनाकिनम् ॥
Metre: अनुष्टुप्
सूत दूरममुना सारङ्गेण वयमाकृष्टाः ।अयं पुनरितानीमपि
ग्रीवाभङ्गाभिरामं मुहुरनुपतति स्यन्दने दत्तदृष्टिः पश्चार्धेन प्रविष्टः शरपतनभयाद्भूयसा पूर्वकायम् । दर्भैरर्धावलीढैः श्रमविवृतमुखभ्रंशिभिः कीर्णवर्त्मा पश्योदग्रप्लुतत्वाद्वियति बहुतरं स्तोकमुर्व्यां प्रयाति ॥
Metre: स्रग्धरा
(सविस्मयम्) तदेष कथमनुपतत एव मे प्रयत्नप्रेक्षणीयः संवृत्तः ।
आयुष्मन्नुद्घातिनी भूमिरिति मया रश्मिसंयमनाद्रथस्य मन्दीकृतो वेगः । तेन मृग एष विप्रकृष्टान्तरः संवृत्तः । संप्रति समदेशवर्तिनस्ते न दुरासदो भविष्यति ।
यदाज्ञापयत्यायुष्मान् । (रथवेगं निरूप्य)आयुष्मन्पश्य पश्य ।
मुक्तेषु रश्मिषु निरायतपूर्वकाया निष्कम्पचामरशिखा निभृतोर्ध्वकर्णाः ।आत्मोद्धतैरपि रजोभिरलङ्घनीया धावन्त्यमी मृगजवाक्षमयेव रथ्याः ॥
Metre: वसन्ततिलका
सत्यम् ।अतीत्य हरितो हरींश्च वर्तन्ते वाजिनः । तथा हि ।
यदालोके सूक्ष्मं व्रजति सहसा तद्विपुलताम् यदर्धे विच्छिन्नं भवति कृतसंधानमिव तत् । प्रकृष्त्या यद्वक्रं तदपि समरेखं नयनयोर् न मे दूरे किंचित्क्षणमपि न पार्श्वे रथजवात् ॥
Metre: शिखरिणी