स हि प्रायः प्रबन्धेषु तत्र तत्रोपयुज्यते॥ १२६॥
क्रियायां कालोऽन्तर्भवति पुरुषः कारकपदे प्रधाने सोपाधिद्वयमपि तदेतन्निविशते।
प्रधानं तं प्राहुर्यमभिदधते घञ्प्रभृतयः सहोपस्कारार्थोर्निविशति स तु प्रातिपदिके॥ १२७॥
इति महाराजाधिराजश्रीभोजदेवविरचिते श्रृङ्गारप्रकाशे क्रियाद्यर्थचतुष्टयप्रकाशो नाम ॥ चतुर्थः प्रकाशः॥ ४॥
रेवाप्रसादस्य सनातनस्य प्रकाशसंशोधनकार्यमेतत्।
प्रकाशमेतं तु तुरीयमाप्तं प्रसीदतादत्र महान् स देवः॥