'श्रोत्रत्वक्चक्षुर्जिह्वाघ्राणानामात्मसंयुक्तेन मनसाऽधिष्ठितानां स्वेषु स्वेषु विषयेष्वानुकूल्यतः प्रवृत्तिः कामः' (कासू. १.२.१२)।
२. विषयसंप्रयोगे यथा— 'स्पर्शविशेषविषयान्धस्याभिमानिकसुखानुविद्धा फलवत्यर्थप्रतीतिः प्राधान्यात् कामः' (कासू. १.२.१३)।
या त्वया सुखसंवित्तिः स्मरणीयाऽधुनातनी।
इति स्वप्नोपमान् मत्वा कामान् मा गास्तदङ्गताम्॥ १॥
३. संस्कारो यथा—(कासू.जयमङ्गला १.२.१८)
विनोपदेशं सिद्धो हि कामोऽनाख्यातशिक्षितः।
स्वकान्तारमणोपाये को गुरुर्मृगपक्षिणाम्॥ २॥
काम! जानामि ते मूलं सङ्कल्पात् किल जायसे।