किमवेक्ष्य फलं पयोधरान्ध्वनतः प्रार्थयते मृगाधिपः । प्रकृतिः खलु सा महीयसः सहते नान्यसमुन्नतिं यया ॥
Metre: वियोगिनी = [१०: ससजग] १,३ + [११: सभरलग] २,४
कुरु तन्मतिमेव विक्रमे नृप निर्धूय तमः प्रमादजम् । ध्रुवमेतदवेहि विद्विषां त्वदनुत्साहहता विपत्तयः ॥
Metre: वियोगिनी = [१०: ससजग] १,३ + [११: सभरलग] २,४
द्विरदानिव दिग्विभावितांश्चतुरस्तोयनिधीनिवायतः । प्रसहेत रणे तवानुजान्द्विषतां कः शतमन्युतेजसः ॥
Metre: वियोगिनी = [१०: ससजग] १,३ + [११: सभरलग] २,४
ज्वलतस्तव जातवेदसः सततं वैरिकृतस्य चेतसि । विदधातु शमं शिवेतरा रिपुनारीनयनाम्बुसन्ततिः ॥
Metre: वियोगिनी = [१०: ससजग] १,३ + [११: सभरलग] २,४
इति दर्शितविक्रियं सुतं मरुतः कोपपरीतमानसम् । उपसान्त्वयितुं महीपतिर्द्विरदं दुष्टमिवोपचक्रमे ॥
Metre: वियोगिनी = [१०: ससजग] १,३ + [११: सभरलग] २,४
अपवर्जितविप्लवे शुचय्हृदयग्राहिणि मङ्गलास्पदे । विमला तव विस्तरे गिरां मतिरादर्श इवाभिदृश्यते ॥
Metre: वियोगिनी = [१०: ससजग] १,३ + [११: सभरलग] २,४
स्फुटता न पदैरपाकृता न च न स्वीकृतमर्थगौरवम् । रचिता पृथगर्थता गिरां न च सामर्थ्यमपोहितं क्वचित् ॥
Metre: वियोगिनी = [१०: ससजग] १,३ + [११: सभरलग] २,४
उपपत्तिरुदाहृता बलादनुमानेन न चागमः क्षतः । इदमीदृगनीदृगाशयः प्रसभं वक्तुमुपक्रमेत कः ॥
Metre: वियोगिनी = [१०: ससजग] १,३ + [११: सभरलग] २,४
अवितृप्ततया तथापि मे हृदयं निर्णयमेव धावति । अवसाययितुं क्षमाः सुखं न विधेयेषु विशेषसम्पदः ॥
Metre: वियोगिनी = [१०: ससजग] १,३ + [११: सभरलग] २,४
सहसा विदधीत न क्रियामविवेकः परमापदां पदम् । वृणते हि विमृश्यकारिणं गुणलुब्धाः स्वयमेव सम्पदः ॥
Metre: वियोगिनी = [१०: ससजग] १,३ + [११: सभरलग] २,४