भो वयस्य यद्वेतसः कुब्जलीलां विडम्बयति तत्किमात्मनः प्रभावेण ननु नदीवेगस्य ।
एवं राजकार्याण्युज्झित्वैतादृश आकुलप्रदेशे वनचरवृत्तिना त्वया भवितव्यम् । यत्सत्यं प्रत्यहं श्वापदसमुत्सारणैः संक्षोभितसंधिबन्धानां मम गात्राणामनीशोऽस्मि संवृत्तः । तत्प्रसीद मे ।एकाहमपि तावद्विश्रम्यताम् ।
(स्वगतम्)अयं चैवमाह । मम अपि काश्यपसुतामनुस्मृत्य मृगयाविक्लवं चेतः । कुतः
न नमयितुमधिज्यमस्मि शक्तो धनुरिदमाहितसायकं मृगेषु । सहवसतिमुपेत्य यैः प्रियायाः कृत इव मुग्धविलोकोपदेशः ॥
(राज्ञो मुखं विलोक्य)अत्रभवान्किमपि हृदये कृत्वा मन्त्रयते ।अरण्ये मया रुदितमासीत् ।
(सस्मितम्) किमन्यत् ।अनतिक्रमणीयं मे सुहृद्वाक्यमिति स्थितोऽस्मि ।