उच्चैरसौ राघवमाह्वतेदं धनुः स-बाणं कुरु साऽतियासीः। । पराक्रम-ज्ञः प्रिय-सन्ततिस्तं नम्रः क्षितीन्द्रोऽनुनिनीषुरूचे ॥
Metre: उपजातिः
अनेक-शो निर्जित-राजकस्त्वं पित्नतार्प्सीर्नृप-रक्त-तोयैः । संक्षिप्य संरम्भम-सदू-विपक्षं काऽऽस्थाऽर्भकेऽस्मिंस्तव राम ! रामे ॥
Metre: उपजातिः
अजीगणद्दशरथं न वाक्यं यदा स दर्पेण तदा कुमारः । धनुर्व्यकार्क्षीद्गुरु-बाण-गर्भं लोकानलावीद्विजितांश्च तस्य ॥
Metre: उपजातिः
जिते नृपाऽरौ सुमनीभवन्ति शब्दायमानान्य-शनैर्-शङ्कम् । वृद्धस्य राज्ञोऽनुमते बलानि जगाहिरेऽनेक-मुखानि मार्गान् ॥
Metre: उपेन्द्रवज्रा
अथ पुरु-जव-योगान्नेदयद्दूर-संस्थं दवयदति-रयेण प्राप्तमुर्वी-विभागम् । क्लम-रहितमचेतन्नीरजीकारित-क्ष्मां बलमुपहित-शोभां तूर्णमायादयोध्याम् ॥
Metre: मालिनी