न वाससां न रामाणां नवा स्पर्शस्तथा सुखम्।
शिशोरालिङ्ग्यमानस्य स्पर्शः सूनोर्यथासुखम्॥ १०॥
१०. मित्रप्रशंसा यथा—(किराता. १३.५२)
लभ्यमेकसुकृतेन दुर्लभा रक्षितारमसुरक्षभूतयः।
स्वन्तमन्तविरसा जडीयतां मित्रलाभमनु लाभसंपदः॥ ११॥
त(स्यार्थ)स्यार्जनमलब्धलाभः; यथा— लब्धपरिरक्षणं, रक्षितविवर्धनं, रक्षितोपयोगश्च। तत्रोपयोग्यो दशधा— देश—काल—शक्ति—साधन—कार्यानर्थप्रतिघात— वैरनिवृत्ति—वृत्ति—मान—ख्याति—निमित्तः। तत्र—
देशनिमित्तः ऐहिक आमुष्मिकश्च।
कालनिमित्तः (तदा—)त्वार्थ आयत्यर्थश्च।
शक्तिनिमित्तः शक्तित्रयोपचयार्थः।