क्रियारूपं यथा— एहि मन्ये रथेन यास्यति न मर्षयामि यत् तत्रभवान् वृषलं याजयेत्।
कारकरूपं यथा— अश्वेन संचरते, दास्या संप्रयच्छते।
नामरूपं यथा— कालो यद् भुञ्जीत भवान्।
अव्ययरूपं यथा— कथं नाम तत्रभवान् वृषलं याजयेत्, नमते दण्डः स्वयमेव।
निपातरूपं यथा— यावद् भुङ्क्ते, पुरा व्रजति
उपसर्गरूपं यथा— पराक्रमते पराजयते इति।
द्वितीयमपि क्रियारूपम्, कारकरूपम्, नामरूपम्, अव्ययरूपम्, निपातरूपम् उपसर्गरूपं च। तेषु —
क्रियारूपं यथा— भोक्तुं व्रजति, भोजको व्रजति, गोदायो व्रजति, कर्त्तुमिच्छति इति।
कारकरूपं यथा— कुम्भकारः, उत्तानशयः, शय्योत्थायम्, मूलकोपदंशम् इति।