द्वेषि-द्वेष-परो नित्यमिष्टानामिष्ट-कर्म-कृत् । यो नरो नर-नाथस्य स भवेद्राज-वल्लभः ॥
Metre: अनुष्टुप्
प्रोक्तः प्रत्युत्तरं नाह विरुद्धं प्रभुना न यः । न समीपे हसत्युच्चैः स भवेद्राज-वल्लभः ॥
Metre: अनुष्टुप्
उप्रणं शरणं तद्वन्मन्यते भय-वर्जितः । प्रवासं स्व-पुरावासं स भवेद्राज-वल्लभः ॥
Metre: अनुष्टुप्
न कुर्यान्नरनाथस्य योषिद्भिः सह संगतिम् । न निन्दां न विवादं च स भवेद्राज-वल्लभः ॥
Metre: अनुष्टुप्
करटक आह—अथ भवांस्तत्र गत्वा किं तावत्प्रथमं वक्ष्यति तत्तावदुच्यताम् ।
उत्तरादुत्तरं वाक्यं वदतां सम्प्रजायते । सुवृष्टि-गुण-सम्पन्नाद्बीजाद्बीजमिवापरम् ॥
Metre: अनुष्टुप्
अपाय-सन्दर्शनजां विपत्तिम् उपाय-सन्दर्शनजां च सिद्धिम् । मेधाविनो नीति-गुण-प्रयुक्तां पुरः स्फुरन्तीमिव वर्णयन्ति ॥
Metre: उपजातिः
एकेषां वाचि शुकवदन्येषां हृदि मूकवत् । हृदि वाचि तथान्येषां वल्गु वल्गन्तिउ सूक्तयः ॥
Metre: अनुष्टुप्
न च अहमप्राप्त-कालं वक्ष्ये । आकर्णितं मया नीति-सारं पितुः पूर्वमुत्सङ्गं हि निषेवता ।