कुत्र । देह्येतत् । (इति हस्तं प्रसारयति)
कथं चक्रवर्तिलक्षणमप्यनेन धार्यते । तथा ह्यस्य ।
प्रलोभ्यवस्तुप्रणयप्रसारितो विभाति जालग्रथिताङ्गुलिः करः ।अलक्ष्यपत्रान्तरमिद्धरागया नवोषसा भिन्नमिवैकपङ्कजम् ॥
Metre: वंशस्थम्
सुव्रते न शक्य एष वाचामात्रेण विरमयितुम् । गच्छ त्वम् । मदीय उटजे मार्कण्डेयस्य ऋषिकुमारस्य वर्णचित्रितो मृत्तिकामयूरस्तिष्ठति । तमस्योपहर ।
अनेनैव तावत्क्रीडिष्यामि ।
स्पृहयामि खलु दुर्ललितायास्मै ।
आलक्ष्यदन्तमुकुलाननिमित्तहासैर् अव्यक्तवर्णरमणीयवचःप्रवृत्तीन् ।अङ्काश्रयप्रणयिनस्तनयान्वहन्तो धन्यास्तदङ्गरजसा मलिनीभवन्ति ॥
Metre: वसन्ततिलका
भवतु । न मामयं गणयति । (पार्श्वमवलोक्य) कोऽत्र ऋषिपुमाराणाम् । (राजानमवलोक्य) भद्रमुख एहि तावत् । मोचयानेन दुर्मोचहस्तग्रहेण* डिम्भलीलया बाध्यमानं बालमृगेन्द्रम् । (*दुर्मोक)
(उपगम्य । सस्मितम्)अयि भो महर्षिपुत्र ।