(कर्णं दत्त्वा)अभूमिरियमविनयस्य । को नु खल्वेष निषिध्यते । (शब्दानुसारेणावलोक्य । सविस्मयम्)अये को नु खल्वयमनुबध्यमानस्तपस्विनीभ्यामबालसत्त्वो बालः ।
अर्धपीतस्तनं मातुरामर्दक्लिष्टकेसरम् । प्रक्रीडितुं सिंहशिशुं बलात्कारेण कर्षति ॥
Metre: अनुष्टुप्
(ततः प्रविशति यथानिर्दिष्टकर्मा तपस्विनीभ्यां बालः)
जृम्भस्व सिंह दन्तांस्ते गणयिष्ये ।
अविनीत किं नोऽपत्यनिर्विशेषाणि सत्त्वानि विकरोषि । हन्त वर्धते ते संरम्भः । स्थाने खलु ऋषिजनेन सर्वदमन इति कृतनामधेयोऽसि ।
किं नु खलु बालेऽस्मिन्नौरस इव पुत्रे स्निह्यति मे मनः । नूनमनपत्यता मां वत्सलयति ।
एषा खलु केसरिणी त्वां लङ्घयति यद्यस्याः पुत्रकं न मुञ्चसि ।
(सस्मितम्)अहो बलीयः खलु भीतोऽस्मि । (इत्यधरं दर्शयति )
राजा हमतस्तेजसो बीजं बालोऽयं प्रतिभाति मे । स्फुलिङ्गावस्थया वह्निरेधापक्ष इव स्थितः ॥
Metre: अनुष्टुप्
वत्स एनं बालमृगेन्द्रं मुञ्च ।अपरं ते क्रीडनकं दास्यामि ।