साधु दृष्टम् । (सबहुमानमवलोक्य)अहो उदाररमणीया पृथिवी ।
मातले कतमोऽयं पूर्वापरसमुद्रावगाढः कनकरसनिस्यन्दी सांध्य मेघपरिघः सानुमानालोक्यते ।
आयुष्मन्नेष खलु हेमकूटो नाम किं पुरुषपर्वतस्तपःसंसिद्धिक्षेत्रम् । पश्य ।
स्वायंभुवान्मरीचेर्यः प्रबभूव प्रजापतिः । सुरासुरगुरुः सोऽत्र सपत्नीकस्तपस्यति ॥
Metre: अनुष्टुप्
तेन ह्यनतिक्रमणीयानि श्रेयांसि । प्रदक्षिणीकृत्य भगवन्तं गन्तुमिच्छामि ।
प्रथमः कल्पः । (नाट्येनावतीर्णौ)
उपोढशब्दा न रथाङ्गनेमयः प्रवर्तमानं न च दृश्यते रजः ।अभूतलस्पर्शनतयानिरुद्धतस्तवावतीर्णोऽपि रथो न लक्ष्यते ॥
Metre: वंशस्थम्
एतावानेव शतक्रतोरायुष्मतश्च विशेषः ।
मातले कतमस्मिन्प्रदेशे मारीचाश्रमः ।