युज्यते । (इति तदेव कर्माभिनयतः)
(कर्णं दत्त्वा) सखि अतिथीनामिव निवेदितम् ।
अद्य पुनर्हृदयेनासंनिहिता ।अलमेतावद्भिः कुसुमैः । (इति प्रस्थिते) (नेपथ्ये)
विचिन्तयन्ती यमनन्यमानसा तपोधनं वेत्सि न मामुपस्थितम् । स्मरिष्यति त्वां न स बोधितोऽपि सन् कथां प्रमत्तः प्रथमं कृतामिव ॥
Metre: वंशस्थम्
हा धिग्घा धिक् ।अप्रियमेव संवृत्तम् । कस्मिन्नपि पूजार्हेऽपराद्धा शून्यहृदया शकुन्तला । (पुरोऽवलोक्य)
न खलु यस्मिन्कस्मिन्नपि ।एष दुर्वासाः सुलभकोपो महर्षिः । तथा शप्त्वा वेगबलोत्फुल्लया दुर्वारया गत्या प्रतिनिवृत्तः ।